O Concello da Coruña consolida por terceiro ano consecutivo, o programa dos Mercados da Economía Sostible, unha iniciativa que continuará a achegar a filosofía da compra responsable e o apoio ao produto sostible a todos os distritos da cidade. Unha aposta firme pola economía circular que se reforza grazas ao traballo impulsado polo Goberno de Inés Rey en materia de comercio de proximidade e consumo consciente. 

A nova tempada, que se desenvolverá de maio de 2025 a abril de 2026, combinará dous tipos de mercados:

• Mercados ecolóxicos, centrados en produtos con certificacións éticas e sostibles, que se celebrarán regularmente no Campo da Leña.
• Mercados sostibles, centrados na regra dos 4R (Reducir, Reutilizar, Reciclar e Recuperar), que percorrerán diferentes barrios da cidade.

Como novidade neste novo período, os mercados sostibles chegarán a San Vicente de Elviña, a Praza das Conchiñas e a Praza da Tabacalera, ampliando así a rede de localizacións que xa incluía espazos como o Parque da Tirolina en Novo Mesoiro ou a Praza Pablo Iglesias no Castrillón. Desde o seu lanzamento en 2023, a iniciativa contou con máis de 38.000 visitantes, consolidándose como unha referencia na dinamización urbana e na promoción da sustentabilidade.

A programación de mercados prevista ata final de ano é a seguinte:

Programación maio-decembro 2025

Maio:

• Día 4 - Mercado Ecolóxico - Campo da Leña
• Día 11 - Mercado Sostible - Praza de Vigo
• Día 18 - Mercado Ecolóxico - Campo da Leña

Xuño:

• Día 1 - Mercado Ecolóxico - Campo da Leña
• Día 8 - Mercado Sostible - Praza das Conchiñas
• Día 15 - Mercado Ecolóxico - Campo da Leña

Xullo:

• Día 6 - Mercado Ecolóxico - Campo da Leña
• Día 13 - Mercado Sostible - Praza de Azcárraga
• Día 20 - Mercado Ecolóxico - Campo da Leña
• Día 27 - Mercado Sostible - Praza da Tolerancia (Labañou)

Agosto: 

• Día 3 - Mercado Ecolóxico - Campo da Leña
• Día 16 - Mercado Sostible - Parque Europa
• Día 24 - Mercado Sostible - Praza Pablo Iglesias (Castrillón)
• Día 31 - Mercado Sostible - Parque da Tirolina (Novo Mesoiro)

Setembro:

• Día 6 - Mercado Sostible - San Vicente de Elviña
• Día 14 - Mercado Sostible - Praza de Azcárraga
• Día 21 - Mercado Ecolóxico - Campo da Leña

Outubro:

• Día 5 - Mercado Ecolóxico - Campo da Leña
• Día 12 - Mercado Sostible - Praza de Vigo
• Día 19 - Mercado Ecolóxico - Campo da Leña

Novembro:

• Día 2 - Mercado Ecolóxico - Campo da Leña
• Día 9 - Mercado Sostible - Praza da Tabacalera
• Día 16 - Mercado Ecolóxico - Campo da Leña

Decembro:

• Día 7 - Mercado Ecolóxico - Campo da Leña
• Día 14 - Mercado Sostible - Praza de Vigo
• Día 21 - Mercado Ecolóxico - Campo da Leña

A concelleira de Emprego, Comercio e Mercados, Diana Cabanas, destacou que "os Mercados de Economía Sostible representan unha ferramenta estratéxica para apoiar o tecido comercial local e fomentar hábitos de consumo máis conscientes entre a cidadanía". Engadiu ademais que "coa ampliación da programación e a chegada a novos barrios, reforzamos o compromiso de levar a sustentabilidade a todos os recunchos da cidade".

Con esta nova edición, o Concello da Coruña reafirma o seu compromiso coa transición ecolóxica, a revitalización dos barrios e a construción dunha cidade máis verde e participativa.