Concello da Coruña

A Torre de Hércules é o único faro que desde as súas orixes en época romana ata a actualidade cumpriu coa súa función primitiva: a de servir de sinal marítimo e instrumento de navegación para as embarcacións que na súa singradura atravesan o corredor atlántico.

A Torre de Hércules conserva no seu interior o faro romano, organizado en tres niveis con catro cámaras por planta.

A Torre deixou a súa pegada ao longo dos séculos en mapas, escudos ou distinta iconografía.

Tanto na arte como na literatura, a Torre de Hércules deixou a súa pegada. Así o fixo na obra do neno Pablo Picasso e a súa "Torre de caramelo". Imaxe: Museu Picasso, Barcelona. Sucesión P. Picasso. VEGAP, Madrid, 2020.

Ademais da "gran historia" dos seus dous mil anos, a Torre de Hércules encerra infinidade de pequenas historias, curiosidades e anécdotas, que tecen a súa relación coas persoas que se achegan a visitala.

Ao longo da historia, a Torre de Hércules foi testemuña de importantes acontecementos, ao mesmo tempo que se adecuaba a tecnoloxía para achegar a súa luz da maneira máis eficiente posible en cada momento.

A Torre de Hércules conta cun rico patrimonio inmaterial baseado na mitoloxía e en lendas ligadas á súa fundación e á súa historia. Hércules, Breogán e Trezenzonio, entre outros personaxes, protagonizan estes relatos.